16:07, 01 ноября 2017, Бишкек - 24.kg
Жогорку Кеңеш Эмгек кодексине өзгөртүүнү биринчи окууда колдоду. Мыйзам долбоордо 7-8-ноябрды Тарых жана ата-бабаларды эскерүү күнү катары белгилөө сунушталат.
Документте 23-февраль, 5-майды дагы эс алуу күндөрүнүн катарынан алып салуу дагы киргизилет. Бирок, айрым депутаттардын кайчы пикиринен кийин бул демилгени экинчи окууда чакырып алмай болушту.
Эскерте кетсек, буга чейин президент Алмазбек Атамбаевдин 7-8-ноябрды Тарых жана ата-бабаларды эскерүү күнү катары белгилөө буйругу жарыяланган. Кыргызстан буга чейин 7-ноябрды Октябрь революциясынын күнү катары белгилеп келген.