16:20, 13 октября 2017, Бишкек - 24.kg
«Ак-Тилек» көзөмөл- өткөрүү бекетиндеги куткаруучулардын саны көбөйтүлөт. Бул тууралуу Өзгөчө кырдаалдар министрлиги маалымдайт.
Алардын маалыматында, «Ак-Тилек» көзөмөл- өткөрүү бекетинде учурда үч чатыр тигилип, 12 куткаруучу иштеп жатат. Бирок, кезек күткөн жүк ташуучу ууналардын саны көбөйгөндүгүнө байланыштуу чек арага жакын айланма жолдо дагы үч чатырды жайгаштыруу пландалууда.
Жалпысынан ар бир өткөрүү пунктунда үчтөн болуп, кыргыз-казак чек арасында 12 чатыр тигилди. Анда ӨКМ чек арада өтө албай турган айдоочуларды жана жүргүнчүлөрдү ысык тамак менен камсыз кылып, медициналык жардам көрсөтүүгө даяр турушат.