16:13, 21 сентября 2017, Бишкек - 24.kg
Жогорку Кеңештин депутат Жанар Акаев жана Борбордук шайлоо комиссиясынын мүчөсү Атыр Абдырахматова катышкан видео ролик жарыяланды. Аны жаш активисттер тартышкан.
Депутат менен БШК мүчөсү шайлоодо административдик ресурска каршы турууга чакырат.
«Добуш берүүгө мажбурлоо - бул кылмыш. Ал боюнча бизге кабарласаңар парламенттин трибунасы жана Боршайкомдун жыйынында айтып чыгабыз. Жооптуу кишилер жазаланат» - деп жаш активисттер коркпой, кысымга каршылык көрсөтүүгө, аны менен шайлоонун ачык жана таза өтүүсүнө салым кошууга чакырат.