11:18, 21 сентября 2017, Бишкек - 24.kg
Сооронбай Жээнбековду шайлоого үгүттөгөн вице-премьер-министр Дүйшөнбек Зилалиевге эскертүү берилип, ал шайлоо штабын жетектөөдөн четтетилди. Бул тууралуу өкмөттүн аппаратынын маалымат менен камсыздоо бөлүмү билдирет.
Өкмөт башчысы Сапар Исаков шайлоо штабын жетектөөнү дагы бир вице-премьер-министр Темир Жумакадыровго жүктөдү.
Өкмөт мүчөлөрүнө шайлоочулардын тизмесин так даярдоого, жарандардын шайлоо укугун камсыз кылууга жана ага алгылыктуу шарт түзүүгө көңүл бөлүү сунушталды.