15:36, 18 сентября 2017, Бишкек - 24.kg , Суйунбек ШАМШИЕВ
Муфтият жума намазга келген мусулмандардан жолдо тыгын жаратпоону суранат. Бул тууралуу «24.kg» Мусулмандар дин башкармалыгынан билдиришти.
Социалдык тармакта жума намаз күнү Борбордук мечитке жакын көчөлөрдө тыгын жаралып, токтотулган унаалар жолду тороп калганына нараазы пикирлер айтылган.
Муфтияттын билдирүүсүндө, буга чейин дагы мечит имамдары намазга келгендерге бир нече жолу унааларын алысыраак токтотууну суранышкан.