Жогорку сот 14 жыл ичинде эки жолу гана кыйноо боюнча өкүм чыгарган
15:21, 08 сентября 2017, Бишкек - 24.kg
Жогорку сот 14 жыл ичинде эки жолу гана кыйноо боюнча өкүм чыгарган. Бул тууралуу акыйкатчылардын эл аралык форумунда Кыйноолорлун алдын-алуу боюнча улуттук борбордун жетекчиси Нурдин Сулайманов билдирди.
Анын айтымында, Кыргызстанга кыйнап, зомбулук көрсөткөн жооптуу кызматкерлер жазадан кутулуп кеткендиктен бул көйгөн актуалдуу бойдон калууда.
«2003-жылы «кыйноо» беренеси кылмыш кодексине киргизилди. Бирок, тилекке каршы баардык эле кылмыш иштер аягына чыкпайт. Болгону экөө гана Жогорку сотто каралды», — деди ал.
Белгилей кетсек, бул эки окуянын бири Сузакта болгон. Анда милиция кызматкерлери 10-11 жылга соттолду. Дагы бир Чүйдө болуп, мында да тартип сакчылары ири өлчөмдөгү айыппул төлөшкөн.
