16:12, 04 сентября 2017, Бишкек - 24.kg
Өзбекстандын президенти Шавкат Мирзиеев биринчи жолу президенттин макамында Кыргызстанга келет. Ал 5-6-сентябрда Бишкекте болот.
Сапарында өзбек президенти өлкө башчысы Алмазбек Атамбаев, премьер - министр Сапар Исаков жана Жогорку Кеңештин төрагасы Чыныбай Турсунбеков менен жолугушат.
Кол коюла турган келишимдердин арасында кыргыз-өзбек чек арасы боюнча документ дагы бар.
Буга чейин чек аранын жалпы аянтынын 1 миң 170 чакырымы аныкталган. Дагы 217 чакырым талаш бойдон калууда.
Эскерте кетсек, акыркы жолу өзбек президенти 2000-жылдын октябрь айында расмий сапар менен келген. Андан кийин жумушчу сапарлар гана болгон.