16:59, 25 августа 2017, Бишкек - 24.kg
«Мен кудай эмесмин, Liglass Trading акчаны которобу, которбойбу айта албайм», —деди Сапар Исаков бүгүн Жогорку Кеңештин жыйынында.
Депутат Дастан Бекешев Чех компаниясы менен түзүлгөн келишимге кызыкты.
«Кыргызстанга каалаган чет элдик компания келе алат. Liglass — алардын бири. Ал сынакка катышып жеңген. Келишим 4-августта күчүнө кирди. 30 банктык күндүн ичинде 37 миллион доллар которулушу керек», — деди Сапар Исаков.
Эскерте кетсек, президент Алмазбек Атамбаев дагы Liglass Trading ишканасы боюнча айрым маалыматтар жарыялангандан кийин келишимдин жоболору аткарылбаса, долбоор токтотуларын айткан.
Бул ишкана Ак-Булун, Жогорку Нарын каскадын жана ондой кичи ГЭСтерди куруу боюнча тендерди утуп алган.