Башкы прокуратура «Сентябрь» телеканалына карата адашпай эле доо арыз бергендигин билдирет.
Мекеменин маалымат кызматынын айтымында, «Сентябрь» менен «Жалал-Абад сентябрь» бир компания.
«Арыз берүүдөн мурда биз Байланыш жана маалымат технологиялары мамлекеттик комитетинин маалыматын карап чыкканбыз. Ага ылайык «Сентябрдын» юридикалык аталышы «С-2 радио-телекомпаниясы» болуп саналат. Юстиция министрлигинин базасында, «С-2» «С-2 радио-телекомпаниясынын» негиздөөчүсү болуп эсептелет», — дейт Башкы прокуратура.
Башкы прокуратуранын маалыматында, «Жалал-Абад сентябрь» азыркы «Сентябрь» («С-2 радио-телекомпаниясынын») колдонгон күбөлүктүн негизинде иш алып барат.
