17:53, 01 августа 2017, Бишкек - 24.kg
Орусия Кыргызстандын Куралдуу күчтөрүнө Ан-26 үлгүсүндөгү эки аскер учагын берет. Транспорт тапшыруу аземи 10-августта орусиялык "Кант"авиабазасында өтөт. Бул тууралуу өлкөнүн Куралдуу күчтөрүнүн Башкы штабынан билдиришти.
Маалыматтарга караганда, учактар Орусия убада кылган 1 млрд долларга бааланган аскердик-техникалык жардамдын алкагында берилүүдө. Башкы штаб аба транспортторунун наркын айткан жок.
РИА Новости агенттигинин маалыматы боюнча буга чейин Орусия өлкөгө бронетанк техникаларын, артиллериялык системаларды жана ок-дарыларды жөнөткөн.
Ан-26 –советтик аскер-техникалык учак. Жүк ташууга ыңгайлуу.