13:14, 28 июля 2017, Бишкек - 24.kg
Битир садакадан 33 миллион 668 миң 886 сом топтолду. Бул тууралуу муфтият маалымдайт.
Каражаттын 50 пайызы өлкөдөгү мечиттерге, 15 пайызы облусттук казыяттарга, 20 пайызы муфтияттын өзүндө калат. Мусулмандар дин башкармалыгы акчаны жетим-жесирлерге, майыптарга коротууну убадалайт.
Өткөн жылы битир садакадан 32 миллион 156 миң 605 сом жыйналган.
Эскерте кетсек, битир садаканын орозо айынын аягында берилет. Анын өлчөмүн муфтият жыл сайын аныктап турат.