01:28
+23
USD 68.74
EUR 80.81
RUB 1.15
Кыргызча

«Замандаш» партиясы Сооронбай Жээнбековдун президентикке талапкерлигин колдойт

«Замандаш» партиясы Сооронбай Жээнбековдун президентикке талапкерлигин колдойт.

Партия бүгүн, 26-июлда республикалык конференция өткөрдү. Ага катышкан өкүлдөр алдыдагы президенттик шайлоодо Сооронбай Жээнбековдун талапкерлигин колдоону сунушташты.

Партиянын теңтөрагасы Жеңиш Молдокматов Кыргызстан мамлекет жетекчисин биринчи жолу альтернативдүү негизде тандап жаткандыгын билдирди.

«Алдыдагы шайлоо абдан маанилүү. Анын жыйынтыгына көп нерсе көз каранды. Кыргызстандын экономикалык ийгиликтүү арышы үчүн өлкөгө коомдо туруктуулукту сактай алган, Апрель революциясынан кийинки багыттын туура экендигине ишенген, баардык саясый жана коомдук күчтөрдү бириктире алган башчы керек», — деди ал.

Жеңиш Молдокматов «Замандаш» 22-июлда өткөн саясый кеңешинин жыйынында президентке ат салышкандардын ичинен Сооронбай Жээнбековго колдоо көрсөтүү чечимин кабыл алганын маалымдады.

«Партия Сооронбай Жээнбековго колдоо көрсөтөт жана талапкердин ичинен азыркы премьер-министр өлкөнү жетектөөгө татыктуу деп эсептейт», — деп билдирди Жеңиш Молдокматов.

Республикалык конференцияга катышкан 102 өкүл, бул сунушту толук колдошту.

Эң көп окулган жаңылыктар