20:10
-2
USD 69.75
EUR 82.26
RUB 1.18
Кыргызча

Курманбек Шоноев: Баламдын өлүмүнө жогорку кызматтагы кишилердин катышы бар

Полковник Толкунбек Шоноевдин өлүмүнө жогорку кызматтагы кишилердин катышы бар. Бул тууралуу «24.kg» агентигине анын атасы Курманбек Шоноев билдирди.

Курманбек Шоноев бүгүн маалымат жыйында президент, премьер-министр жана Жогорку Кеңештин депутаттарына кайрылып, милициянын полковниги Толкунбек Шоноевдин өлүмүнүн бетин ачып берүүнү өтүндү.

«Менин уулумду ал иликтеп жаткан кылмыштын бетин жабуу үчүн өлтүргөн. Ага криминал,  укук коргоо органдары жана мансаптуу жетекчиликтин дагы катышы бар. Толкунбекти (Шоноев-ред.) кесиптештери сатып кетти. Ошондон улам, бул кылмыштин бети төрт жылдан бери ачылбайт» - дейт ал.

Курманбек Шоноев Кара-Суу райондук сотунун кечээ чыгарган өкүмүнө даттанып, жогорку инстанцияларга кайрылбастыгын, сот жана укук коргоо органдарына ишеними жоктугун айтты.

«Сот бул ишти 2 жыл карады. Эки жолу сотту чакырып алышты. Арада бир жолу УКМКга кайра териштирүүгө жөнөттү. Эми бир жаш кызды сотко төрага кылып, актап жатат. Ал жаш сот далилдерди, видеотасманы баарын жокко чыгарып, кылмышкерди эркиндикке бошотуу чечимин чыгарды.  Баламды аткан киллер өзү Кадырбек Досоновду (Женго- ред.) ушу буйрук берген деп көрсөттү эле го.  Досонов мага баламды өлтүргөн адамды таап берсе гана, мен анын актыгына ишенем» - дейт Курманбек Шоноев.

Эскерте кетсек, ИИМдин буйрутма адам өлтүрүүлөр жана кылмыштуу топторго каршы күрөшүү бөлүмүнүн жетекчиси Толкунбек Шоноев Кара-Суу районундагы үйүнүн алдында 2013-жылдын 11-январында атып кетишкен.  Кийин бул кылмыш боюнча Кадырбек Досонов кармалган. ИИМдин маалыматында, Кадырбек Досонов уюшулган топтун мүчөсү. Ага адам өлтүрүү фактынан сыркары, курал-жаракты мыйзам сатып алуу, сактоо жана кылмыштуу топту түзүү айыбы дагы тагылган. Ал он күндөн кийин эркиндикке чыгат.      

Эң көп окулган жаңылыктар