«Кыш болбойт» деген лакап аты менен белгилүү Арстанбек Абдылдаев президенттикке ат салышмакчы. Ал Борбордук шайлоо комиссиясына документтерин тапшырды.
Эскерте кетсек, ал буга чейин дагы президенттик шайлоого катышкан.
Арстанбек Абдылдаев БШКга арыз жолдогон төртүнчү талапкер болду. Буга чейин Өмүрбек Текебаев, Темир Сариев, Назарбек Нышанов талапкер катары катталууга документтерин тапшырышкан.
Президенттик шайлоо 15-октябрда өтөт.
