11:10, 15 июня 2017, Бишкек - 24.kg , Жазгүл МАСАЛИЕВА
Жалал-Абад облусунун Аксы районундагы Каражыгач айыл өкмөтүнө караштуу Терметаш айылын суу каптоо коркунучу бар. Бул тууралуу айыл тургундары маалымдап, Өзгөчө кырдаалдар министрлигине жардам сурап кайрылышкан.
Айылдагы Авлетим суусунун денгээли көтөрүлүп, 400го жакын үй-турак жайга коркунуч жаратууда.
ӨКМдин Жалал-абад облусу боюнча башкармалыгынын жетекчиси Абдишарип Бекиловдун айтымында, ал ахыбал менен тааныш. Азырынча анчейин коркунуч жок.
«Суу 2–3 үйдүн чарбагына жетип калды. Аксы району боюнча баардык айылдарда жээкти бекемдөө иши жүрүүдө. Бул айылда дагы аракеттер көрүлөт» — дейт ал.