Депутаттык комиссия Чудинов менен Жапаровго козголгон ишти териштирет. Жогорку Кеңештин бүгүнкү жыйынында «Бир-Бол» фракциясынын депутаттары Акылбек Жапаров менен Игорь Чудиновго каршы козголгон кылмыш ишинин мыйзамдуулугун иликтөө демилгеси көтөрүлдү.
Аталган фракциянын лидери Алтынбек Сулайманов, комиссия түзүп, Башкы прокурордун пикирин угууну сунуштады.
Депутат Канат Исаевдин иши боюнча түзүлгөн комиссия «Бир-Болдун» эки депутатынын ишин да карап чыкмай болду.
