Польша- 2026: Раззак Бейшекеев грек-рим күрөшү боюнча турнирде алтын медаль утту
11:18, 28 августа 2026, Бишкек - 24.kg
Кыргызстандык балбан Раззак Бейшекеев Польшада өтүп жаткан «Ziolkowski, Pytlasinski & Poland Open 2026» эл аралык мелдешинде алтын медаль утту.
Балбан 67 килограммга чейинки салмакта грек-рим күрөшүнөн күч сынашып, финалда Норвегиядан келген Ховард Йёргенсенди жеңди.
Эскерте кетсек, Польшадагы мелдеш 30-августка чейин уланат. Ага катышуу үчүн Кыргызстандын атынан 9 грек-рим күрөшчүсү, кыз-келиндер күрөшү боюнча 4 балбан кыз кеткен.
