Ысык-Көл облусунда төрт баллга жеткен жер титирөө болду. Бул тууралуу Кыргызстандын Улуттук илимдер академиясынын Сейсмология институту билдирди.
Жер титирөө бүгүн, 13-августа жергиликтүү убакыт боюнча саат 02.49да катталган. Очогундагы жер титирөөнүн күчү MSK-64 шкаласы боюнча 3,5 баллды түздү.
Алдын ала маалыматтар боюнча, очогу Кыргызстан аймагында — Кара-Сай айылынан 22 чакырым түндүк-чыгышта жана Барскоондон 53 чакырым түштүк-чыгышта жайгашкан.
Кара-Сай айылында жер титирөө болжол менен 2,5 баллдай сезилген.
Жабыркагандар жана кыйроолор тууралуу маалымат түшкөн жок.
