Бишкек ЖЭБи жылытуу сезонуна кандай даярдык көрүүдө?

10:09, 08 июля 2026, Бишкек - 24.kg

Бишкек ЖЭбинде 2026—2027-жылдардын жылытуу сезонуна даярдык көрүү уланууда. Бул тууралуу шаардык мэриянын басма сөз кызматы билдирди.

Маалыматка ылайык, адистер жылуулук борборунун от казандарын, турбоагрегаттарын жана башка системаларын капиталдык, орточо жана кезектеги оңдоодон өткөрүп жатышат. Ошондой эле жабдууларды диагностикалоо, техникалык тейлөө жана эскирген тетиктер менен түйүндөрдү алмаштыруу иштери жүрүүдө.

Бардык иштер бекитилген графикке ылайык аткарылууда.

«Бишкекжылуулуктармагы» ААК оңдоо иштери жабдуулардын ишенимдүүлүгүн жогорулатууга, жылуулук жана электр энергиясын туруктуу иштеп чыгууну камсыз кылууга жана эң жогорку жүктөмдөр учурунда борбор калаанын тургундарын үзгүлтүксүз жылуулук менен камсыздоого шарт түзөрүн белгилейт.

Эске салсак, 2025-жылы Бишкек ЖЭБин оңдоого 1,23 миллиард сом бөлүнгөн.