Ата мекендик авиакомпания Бишкек — Үрүмчү каттамдарды аткара баштайт

15:05, 16 июня 2026, Бишкек - 24.kg

«Аэро Номад Эйрлайнс» авиакомпаниясы Бишкек — Үрүмчү багыты боюнча түз авиакаттамдарды ачат. Алгачкы каттам 2026-жылдын 3-августуна пландаштырылууда.

«Кыргызстан аба майдандары» ААКтан билдиришкендей, учуулар заманбап Airbus A320 аба кемелеринде ишке ашырылат.

Жаңы багыттын ачылышынын урматына авиакомпания августтан сентябрга чейин күчүндө боло турган атайын шарттарды даярдады:

• учактын салонунан орундарды акысыз тандоо (авариялык чыгуучу эшиктердин жанындагы орундардан тышкары);
• жүктү акысыз ташуунун жогорулатылган ченеми — 40 килограммга чейин;
• кол жүктү ташуунун ченеми — 7 килограммга чейин.
• Билеттерди сатып алуу жана кошумча кызматтарды тандоо авиакомпаниянын расмий сайтында, ошондой эле өлкөнүн бардык агенттиктеринде жана авиакассаларында жеткиликтүү.