16:52, 12 июня 2026, Бишкек - 24.kg
Кыргызстанда расмий түрдө аутизм менен жабыркаган 380 бала каттоодо турат. Бирок бул маалыматтар реалдуу абалды чагылдырбай калышы мүмкүн. Бул тууралуу саламаттыкты сактоо министринин орун басары Бакытбек Кадыралиев «Ала-Тоо» депутаттык тобунун жыйынында билдирди.
Анын айтымында, өлкөдө аутизм боюнча терс динамика байкалууда, ошол эле учурда аныкталган учурлардын саны дагы деле төмөн бойдон калууда.
«Бүгүнкү күндө каттоодо 380 бала турат. Бул, албетте, так эмес маалымат. Биз мындай балдардын саны көп деп эсептейбиз», — деди ал.
Бакытбек Кадыралиев ошондой эле Даун синдрому менен 563 бала жана балдардын церебралдык шалы (ДЦП) менен 3 миң 227 бала каттоодо турарын маалымдады.
Көйгөйлөрдүн бири — аутизмди эрте стадиясында аныктоонун жетишсиздиги бойдон калууда. Мындан сырткары, өлкөдө балдардын психиатр, психологдору жана реабилитация боюнча адистери тартыш, ал эми аймактарда мындай кызматтардын жеткиликтүүлүгү чектелүү бойдон калууда.
Буга байланыштуу ведомство аутизм, ДЦП жана Даун синдрому бар балдардын улуттук регистрин түзүүнү аягына чыгарууну, ошондой эле өлкө боюнча эрте кийлигишүү борборлорунун тармагын кеңейтүүнү пландаштырууда.