Бишкекке 148 жыл: Бүгүн веложүрүш башталат

08:00, 01 мая 2026, Бишкек - 24.kg

Бишкекте бүгүн, 1-майда жазгы веложүрүш өтөт. Бул тууралуу мэриядан билдиришти.

Маалыматка ылайык, спорттук иш-чара борбор калаанын 148 жылдыгына арналат.

Катышууну каалагандар саат 08:00дө Д. Асанов атындагы Жеңиш паркында чогулат. Мында жаш куракка чектөө жок.

Иш-чаранын программасы:

• 8:00 — 8:45 — катышуучуларды каттоо;
• 8:50 — брифинг;
• 9:00 — Д. Асанов атындагы Жеңиш паркынын маршруту боюнча веложүрүш башталып — Чортеков көчөсү/Жайыл баатыр көчөсүнүн кесилишинен бурулуп — финиш- «Газпром-балдарга» дене тарбия-ден соолукту чыңдоо комплексинен аяктайт;
• 9:40 — финиш, катышуучулардын келиши;
• 10:00 — салтанаттуу бөлүк жана концерттик программа.

Мэрия белгилегендей, веложүрүшкө байланыштуу саат 9:00дөн 9:40ка чейин жолдор жарым-жартылай жабылат.