16:10, 30 апреля 2026, Бишкек - 24.kg
Кыргызстанда «Георгий лентасы» акциясы башталды. Бул тууралуу Орусиянын Бишкектеги элчилиги билдирди.
«Акция өтүп жаткан күндөрү Орусияда, Кыргызстанда жана дүйнөнүн башка өлкөлөрүндө миллиондогон адамдар Ата Мекен үчүн салгылашкан жоокерлерге болгон сый-урматын, Улуу Жеңиш үчүн жалпы элдик сыймыгын ачык көрсөтүп, кийимдерине Георгий лентасын тагышат», — деп айтылат маалыматта.
Ленталарды Бишкек жана Ош шаарларындагы Орус үйлөрүнөн алууга болот. Акция 9-майга чейин уланат.