11:18, 17 марта 2026, Бишкек - 24.kg
Өткөн жылдын жыйынтыгы боюнча, өлкөдө дагы эле 4 миң 192 кылмышкер изделүүдө. Бул тууралуу Башкы прокуратура билдирди.
Мекеменин маалыматы боюнча, 2025-жылы кылмыш иштери боюнча 344 адам издөөгө алынган. Мурунку жылдардан дагы 3848 кылмышкер издөөдө турат.
Башкы прокуратура ошондой эле дайынсыз жоголгон балдардын санынын көбөйгөнүн белгиледи. 2024-жылы мындай 388 учур катталса, 2025-жылы алардын саны 588ге жеткен.
Жалпысынан дайынсыз жоголгон 349 адамдын тагдыры белгисиз бойдон калууда.