Дем алыш күндөрү Бишкекте азык-түлүк жарманкеси өтөт

11:44, 28 ноября 2025, Бишкек - 24.kg

29-30-ноябрда Бишкекте кезектеги айыл чарба жарманкеси өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Маалыматка ылайык, жарманке ар жуманын дем алыш күндөрү саат 09:00дөн 19:00гө чейин уюштурулуп турат.

«Жарманкени уюштуруунун максаты ата мекендик өндүрүшчүлөрдү, агроөнөр жай ишканаларын жана жеке ишкерлерди колдоо менен бирге айыл чарба продукцияларын шаар тургундарына дүң баада сатуу болуп саналат», — деп айтылат маалыматта.

Фото

Жарманке төмөнкү даректе өтөт:

Т. Усубалиев аянты;
И. Раззаков жана Абдымомунов проспектилеринин кесилиши;
Эркиндик бульвары (Биринчи май району).

Катышуучунун талаптары:

Азык-түлүктөр жогорку сапатта болушу жана санитардык-гигиеналык стандарттарга жооп бериши керек;
Баалар базар баасынан төмөн болушу керек;
Райондук айыл чарба департаментинен тастыктоо каты талап кылынат.

Кошумча маалымат жана суроолор:
(0312) 66-14-22
0702 70 20 00