Бишкекте «Ала-Арча» сейил багына экспресс-автобус каттамы туруктуу жүрөт
17:47, 16 мая 2025, Бишкек - 24.kg
Бишкекте «Ала-Арча» жаратылыш паркына бара турган № 1 жарым экспресс-автобус туруктуу иштей баштады. Бул тууралуу мэриянын басма сөз кызматы билдирди.
Эске сала кетсек, каттамдын акыркы аялдамалары Усубалиев аянтында (Эркиндик бульвары менен Абдумомунов көчөсүнүн кесилиши) жана Ала-Арча жаратылыш паркында жайгашкан.
Маршрутта алты Isuzu автобусу иштейт. Автобустардын ортосундагы интервал 20-30 мүнөт.
Белгиленгендей, автобустар күн сайын саат 8:00дөн 19:00гө чейин каттап, акыркы аялдамаларда гана токтойт.
Жол кире накталай төлөнсө 50 сом, банк аркылуу төлөнсө 40 сом болот.
