Бишкектин Свердлов райондук соту укук коргоочу Рита Карасартованын камактагы мөөнөтүн бир айга, тагыраак айтканда 12-июнга чейин узартты. Бул маалымат сотто тастыкталды.
Тергөө камак мөөнөтүн эки айга, 12-июлга чейин узартуу өтүнүчү менен кайрылган, бирок сот өтүнүчтү жарым-жартылай канааттандырган.
Эске салсак, Рита Карасартова 14-апрелде активист Тилекмат Күрөңовдун тарапкерлерине козголгон кылмыш ишинин алкагында кармалган. Ага массалык баш аламандыкка даярданган деп айыпталган. Андан соң сот Рита Карасартованы 12-майга чейин убактылуу кармоочу жайга камалган.
Укук коргоочунун өзү анын кармалышы Куреновдун катынын жарыяланышына байланыштуу экенин айтууда. Карасартованын айтымында, активист эгер камалса же башына бир нерсе болуп кетсе, кайрылуусун коомчулукка жарыялоону суранган.
