Сосновка жана Арал бикеттеринде оор жүк ташуучу унааларга чектөө алынды

11:06, 25 марта 2025, Бишкек - 24.kg

Бишкек-Ош унаа жолундагы Сосновка жана Арал бикеттеринде оор жүк ташуучу унааларга киргизилген убактылуу чектөө алынды. Бул тууралуу Транспорт министрлигинен билдиришти.

Маалыматка ылайык, Бишкек-Ош унаа жолундагы Сосновка постунда саат 09:20да жана Арал постунда саат 08:30да оор жүк ташуучу унааларга киргизилген убактылуу чектөө алынды.

Ал эми Суусамыр-Талас-Тараз жолунун 60-чакырымындагы Өтмөк ашуусунда оор жүк ташуучу унааларга киргизилген чектөө азырынча күчүндө.

"Министрлик кандай кырдаал жаралбасын каршы тилкеге чыкпай, жол эрежесин так сактоого чакырат",-деп айтылат маалыматта.