Кыргызстандын өнөр жай азыктары үстүбүздөгү жылдын январь-февраль айларында 14,7 пайызга өстү. Бул тууралуу Евразия өнүктүрүү банкынын жумалык макроэкономикалык баяндамасында айтылат.
Мындай маалыматтар 2025-жылдын биринчи айында 10,7 пайыздан кийин катталганы белгиленген. ЕӨБнын маалыматы боюнча, өнөр жайлык өсүштүн негизин тамак-аш өнөр жайы (55,1 пайыз) жана энергетика тармагы (19,6 пайыз) түзүүнү улантууда.
Февраль айында негизги металлдарды өндүрүү өсүү зонасына кирди (өткөн айда 8,3 пайызга төмөндөөдөн кийин 18,2 пайыз).
Ата мекендик өндүрүштү мындан ары чыңдоо үчүн министрлер кабинети быйылкы жылы 128 инвестициялык долбоорду ишке ашырууну пландаштырып жатканын банк эскертти. Эксперттердин пикири боюнча, аларды ийгиликтүү ишке ашыруу өлкөнүн өнөр жай өндүрүшүн көбөйтүү потенциалын жогорулатат.
