12:19, 10 февраля 2025, Бишкек - 24.kg
Кыргызстанда 2024-жылы жүк ташуу көлөмү 5,9 пайызга өстү. Бул маалыматтарды Улуттук статистикалык комитети билдирет.
Маалыматка ылайык, январь айынан декабрга чейин транспорттун бардык түрү менен ташылган жүктүн көлөмү 54 миллион тоннаны түздү. 2023-жылдын ушул мезгилине салыштырмалуу 3 миллион тоннага (5,9 пайызга) өскөн.
Декабрда транспорттун бардык түрлөрү менен жүк ташуу 2023-жылдын декабрына салыштырмалуу 0,3 миллион тоннага (5,7 пайызга) өстү.
Жүк ташуулардын негизги бөлүгүн ишкерлер аткарышат.