13:54, 09 января 2025, Бишкек - 24.kg
Армениянын өкмөтү өлкөнүн Евробиримдикке кошулуу процессин демилгелеген мыйзам долбоорун жактырды. Мындай чечим министрлер кабинетинин 9-январдагы жыйынында кабыл алынды. Бул тууралуу Интерфакс жазып чыкты.
Документке ылайык, Армения расмий түрдө Евробиримдикке мүчөлүк процесси башталганын жарыялайт.
Премьер-министр Никол Пашинян бул маселе боюнча акыркы чечим жалпы элдик референдумда гана кабыл алынаарын баса белгиледи.