12:13, 25 декабря 2024, Бишкек - 24.kg
УКМКнын төрагасы Камчыбек Ташиев Баткен облусунда курулуп жаткан ипотекалык үйлөр менен таанышты. Бул тууралуу «Регион» телеканалы билдирди.
Атайын кызматтын төрагасына облуста жалпысынан 37 квартал турак жай курулуп жатканы айтылды. Алар 2 миң 364 батирге ээ болот.
Камчыбек Ташиев 2025-жылдын күз айларына чейин 1,2 миң батирдин курулушун бүтүрүп берүүнү тапшырды.
«2026-жылы бардык 5 миң батир (анын ичинде кызматтык батирлер) бүтүшү керек. Үйлөрдү курууда сапатты жана ыңгайлуулукту эске алуу керек. Жер астындагы унаа токтоочу жайларды, балдар аянтчаларын, эс алуучу зоналар менен камсыз кылуу керек. Фасадды сапатсыз материалдар менен кооздоп, эки-беш жылдан кийин кулап калбагыла. Сапатка чоң көңүл бургула», — деди Камчыбек Ташиев.