09:56, 23 декабря 2024, Бишкек - 24.kg
Улуу Ата Мекендик согуштун ардагери Асек Урманбетов 102 жаш курагында чын дүйнө салды. Бул тууралуу Коргоо министрлигинен билдирди.
Ведомстводон билдиришкендей, маркумду акыркы сапарга узатуу зыйнаты бүгүн, 23-декабрда Ысык-Көл районунун Саруу айылында болот.
Урманбетов Асек, 1923-жылы туулган, Экинчи дүйнөлүк согуштун ардагери, II топтогу майып.
Украинанын жана Белоруссиянын ар кайсы аймактарында согушкан. 1943-жылы декабрда полктун командиринин буйругу менен чалгындоо боюнча маанилүү тапшырманы аткарган. Ал эки истребитель менен бирге немистердин 76 автомашинасын ар кандай жүктөрү менен кармаган.
Жеңиштин урматына Ата Мекендик согуш, Кызыл Жылдыз ордендери, көптөгөн аскердик медалдар, юбилейлик медалдар менен сыйланган. 2016-жылдын 30-августунда «Даңк» медалы менен сыйланган. Пенсияга чыкканга чейин айыл чарбасында өндүрүштүк кооперативде башкы бухгалтер, ревизор болуп иштеген. Акын жана жазуучу. Ал «Ак жол» коомдук фондунун президенти катары кары-картаңдарга, мүмкүнчүлүгү чектелгендерге, кароосуз калган балдарга демөөрчүлүк жардам көрсөткөн.