11:27, 03 декабря 2024, Бишкек - 24.kg
Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутаттар Транспорт министрлиги тууралуу мыйзам долбоорун күн тартибинен алып салышты. Документ үчүнчү окууда каралды.
Министрлик туннелдер аркылуу бекер жүрүүгө уруксат берилген бенефициарлардын санын кыскартууну сунуштады. Буга жетишүү үчүн Салыктык эмес кирешелер жөнүндө кодекске өзгөртүү киргизилүүдө. Мыйзам долбоору Бишкек-Ош унаа жолундагы тоннелдерди тартипке келтирүү, тейлөө жана эксплуатациялоо, ошондой эле республикалык бюджеттин киреше бөлүгүн көбөйтүү максатында иштелип чыккан.
Транспорт министрлиги туннелдерден укук коргоо органдарынын атайын транспортторуна (өрт өчүрүүчү унаалар, патрулдук, коштоп жүрүү, окуя болгон жерге баруу үчүн жабдылган ички иштер унаалары, аскердик техника, атайын унаалар) гана өтүүгө уруксат берүүнү сунуштады.
Эл депутаты Бактыбек Сыдыков жана анын кесиптештери атайын унаалардын тизмеси камтылган министрлер кабинетинин токтомунун долбоору менен таанышууну суранышты.
«Сиз мыйзам долбоорунда кызматтык унааларга да бекер жүрүүгө уруксат берилгенин жазыпсыз. Ал жерде кандай унаалар бар? Жөн гана күбөлүгүн көрсөтүү менен ар кимге саякатка чыгуу мүмкүнчүлүгүн берип жатасыңар», — деди Бактыбек Сыдыков.