Ысык-Көлдө кышкы туристтик сезон ачылды: Лыжа тебүүчүлөрдү күтүүдө

12:30, 02 декабря 2024, Бишкек - 24.kg

Каракол лыжа базасында кышкы туристтик сезон ачылды. Бул тууралуу президенттин Ысык-Көл облусундагы ыйгарым укуктуу өкүлчүлүгүнөн билдиришти.

Мамлекет башчынын ыйгарым укуктуу өкүлүнүн биринчи орун басары Данияр Арпачиевдин билдиргенине караганда, быйыл Ысык-Көлгө 2 миллионго жакын турист келсе, анын 300 миңден ашыгы алыскы жана жакынкы чет өлкөлөрдөн келген коноктор. Көрсөткүч жыл сайын өсүүдө.

Лыжа базасы Ысык-Көлдүн визиттик картасы гана болбостон, өлкөнүн негизги кышкы туристтик жайларынын бири болуп калды. 2024-жылы лыжа базасына баруучу 3 чакырым жол оңдолгон.

Иш-чаранын программасында кышкы спортту сүйүүчүлөр үчүн лыжа тебүү демонстрациялары жана мастер-класстар камтылган.