Саха Республикасынын башчысы Кыргызстанга иш сапары менен келди

11:42, 29 ноября 2024, Бишкек - 24.kg

Саха (Якутия, Россия Федерациясы) Республикасынын башчысы Айсен Николаев Кыргызстанга иш сапары менен келди.

Фото

Иш сапардын алкагында Кыргызстандын жетекчилери менен жолугушуу, өлкөнүн маданий жерлери менен таанышуу, ошондой эле Бишкекте өтө турган Мас-рестлинг боюнча VI дүйнөлүк чемпионаттын салтанаттуу ачылышына катышуу пландалууда.

Саха Республикасы (Якутия) Россиянын аймагы боюнча эң ири субъектиси жана экономикалык, маданий жана жаратылыш жагынан эң маанилүү аймактардын бири. Якутияда Кыргыз Республикасынан келген көптөгөн мигранттар эмгектенишет.