16:55, 28 ноября 2024, Бишкек - 24.kg
Камбар-Ата-1 ГЭСинин жумушчуларына эки айдан бери айлык акы төлөнбөй келген. Ошон үчүн алар иш таштоого чыгышкан. Акциянын видеосу социалдык тармактарга жарыяланды.
Кадрларга караганда, иш таштоого 100дөн ашык адам катышкан.
Окуяга комментарий берип жатып, Энергетика министрлигинин басма сөз кызматы 24.kg басылмасына ноябрда Камбар-Ата ГЭС-1 долбоорун ишке ашыруунун алкагында «Нарынгидроэнергетика курулуш» ААК каражат бөлүүгө тийиш экенин билдирди. Каражат даярдык иштерин бүтүрүүгө жумшалышы керек.
Бирок каражат акционердик коомдун банк эсебине өз убагында түшпөй, натыйжада жумушчуларга сентябрь жана октябрь айларынын эмгек акысы төлөнбөй калган. Бүгүнкү күнгө карата бардык 370 жумушчунун айлык акысы төлөнүп бүттү.
Башкармалык мындан ары айлык акыны кечиктирбей турганын убадалады, кызматкерлерге түшүндүрүү иштерин жүргүзүштү.