13:31, 28 ноября 2024, Бишкек - 24.kg
Өлкөнүн аймактарында суюлтулган газдын баасы литри 39,50 сомго чейин көтөрүлдү. Бул тууралуу депутат Русланбек Жакишев Жогорку Кеңештин бүгүнкү жалпы жыйынында билдирди.
Анын айтымында, мындан төрт ай мурун Бишкекте газдын литри 32,50 сом болсо, азыр 37,90 сомдон сатылууда. Ал эми май куюучу жайларда беш-алты саатка чейин кезекке турган айдоочулардан арыздар түшүп жатат.
Нефтетрейдерлер абалды суюлтулган газдын тартыштыгы менен түшүндүрүштү. Алардын айтымында, бул Орусиядагы темир жол цистерналарынын жетишсиздиги менен байланыштуу. Экинчи себеп, Кыргызстанда акыркы жылдары бензинге болгон баанын олуттуу айырмасынан улам газды колдонуу бир нече эсеге көбөйдү.