09:38, 26 ноября 2024, Бишкек - 24.kg
Белгилүү хирург, профессор Эрнст Акрамов бүгүн, 26-ноябрда 88 жашында дүйнө салды.
Ал 1936-жылы 24-июнда Фрунзе шаарында төрөлгөн. Медицина илимдеринин доктору, профессор, Жогорку Кеңештин мурдагы депутаты, «Кыргыз Республикасынын Баатыры» болгон.
1960-жылы Кыргыз мамлекеттик медицина институтун аяктаган. Эмгек жолун № 2 шаардык клиникалык ооруканада баштаган. Ал 1992-жылдан тарта Чүй облустук ооруканасынын жалпы хирургия бөлүмүн жетектеп, 2023-жылы бейтапканага дарыгердин аты берилген.