17:40, 20 ноября 2024, Бишкек - 24.kg
Бишкекте транспорттун экологиялык нормаларга шайкештиги текшерилүүдө. Бул тууралуу Жаратылыш ресурстар министрлигинен билдиришти.
Ведомстводон кабарлашкандай, экологиялык жана техникалык көзөмөл кызматынын инспекторлору жол кыймылынын коопсуздугун камсыздоо бөлүмү менен биргеликте унаалардын экологиялык нормаларга туура келер-келбесин текшерүү максатында рейддерди өткөрүштү.
Акция абанын экологиялык абалын жакшыртууга жана түтүнгө каршы күрөшүүгө багытталган.
Түтүндүн жыштыгын өлчөөчү атайын каражаттардын жардамы менен 12 жүк ташуучу унаа текшерилип, эки эреже бузуу аныкталган. Жаза колдонуу боюнча протоколдор түзүлдү.
Айдоочуларга түшүндүрүү иштери жүргүзүлдү.