16:54, 18 ноября 2024, Бишкек - 24.kg
Кыргызстандын геологиялык кызматынын башчысы Нарынбек Сатыбалдиев Кумтөр кенинде дагы 30 жыл алтын казыла турганын брифинг учурунда билдирди.
Анын айтымында, 2023-жылдын февраль айынан тарта Кумтөр кенинде алтынды жер астынан казып алуу долбоору ишке ашырылып, жакынкы жылдары баалуу металлды толук кандуу казып алуу иштери башталат.
Эске салсак, Кумтөр кени 1997-жылы ишке киргизилген. 2021-жылдын май айында кен улутташтырылып, мамлекеттин көзөмөлүнө өткөн.