16:18, 18 ноября 2024, Бишкек - 24.kg
Жогорку Кеңештин Социалдык саясат боюнча комитетинин жыйынында депутат Эрулан Кокулов кесиптештерине нааразы болуп залдан чыгып кетти.
Эл депутаттары биринчи окууда «Тарыхый-маданий мурастарды коргоо жана пайдалануу жөнүндө» жана «Кыргыз Республикасындагы инвестициялар жөнүндө» мыйзамдарга өзгөртүү киргизүүнү талкуулашты. Демилгечи — Экономика жана соода министрлиги. Аталган мекеме Тарых жана маданият эстеликтеринин реестрине киргизилген мамлекеттик жана муниципалдык эски имараттарды ишкерлерге сатууну сунуштоодо.
Экономика министрлигинин демилгесине Маданият министрлиги каршы чыкты. Министрлер кабинетинин парламенттеги өкүлү Айсулуу Абдылдаева мыйзам долбоорун күн тартибинен алып салууну жана бул маселе боюнча Жогорку Кеңештин Бюджет, экономикалык жана фискалдык саясат боюнча комитетинин чечимин күтүүнү суранды.
Бул өтүнүч Эрулан Кокуловдун кыжырын келтирген.
«Дагы эмне кылсак болот? Айтыңызчы, жумушка саат канчада келип, саат канчада чыгышыбыз керек? Кесиптештерим, жалпысынан министрликтердин ортосунда карама-каршылык болбошу керек дешет. Ар кандай көйгөйлүү мыйзам долбоорлору менен келиңиз, анда эмне кылуу керектигин айтыңыз. Келгиле, бардыгыбыз мыйзам долбооруна каршы добуш берип, каалаганын кылалы», — деди ал.
Бирок комитеттин төрайымы Винера Раимбачаева Айсулуу Абдылдаеванын сунушун добушка коюп, жыйынтыгында маселе күн тартибинен чыгарылды.
Эрулан Көкүлов кесиптештерине ачууланып, эл өкүлдөрү өздөрүн шерменде кылып жатканын айтып, жыйын залынан чыгып кетти.