Бишкекте Сүйүмбаев көчөсү капиталдык оңдоодон кийин ачылды

13:35, 18 ноября 2024, Бишкек - 24.kg

Бишкекте капиталдык оңдоодон кийин Сүйүмбаев көчөсү унаа кыймылы үчүн ачылды. Бул тууралуу мэриянын басма сөз кызматы билдирди.

Маалыматка ылайык, капиталдык оңдоо иштери 2024-жылга титулдук тизме боюнча Сүйүмбаев көчөсүндө, Жибек Жолу проспектисинен Москва көчөсүнө чейин жүргүзүлгөн. Участканын узундугу дээрлик 2 километрди түздү.

Иш үч этап менен жүргүзүлдү. Биринчисинде Москва көчөсүнөн Чүй проспектисине чейин, экинчисинде Чүй проспектисинен Огонбаев көчөсүнө чейин жана үчүнчүдө Огонбаев көчөсүнөн Жибек Жолу проспектисине чейин тилке жасалды.

«Капиталдык оңдоп-түзөө иштеринин жүрүшүндө асфальттын эски катмары алынып (фрезерленип), бордюрлар демонтаждалып, орнотулуп, келечектеги түтүктөр үчүн корпустар орнотулду. «Бишкексууканал» ААК тарабынан эскирген келечектүү түтүктөр алмаштырылды», — деп билдирди мэриядан.