Кыргыз режиссер Шамил Дыйканбаев Шымкент фестивалында эң мыкты деп табылды

13:11, 15 ноября 2024, Бишкек - 24.kg

Кыргызстандык режиссер Шамил Дыйканбаев Чымкентте аяктаган Борбор Азия өлкөлөрүнүн IX Эл аралык театр фестивалында мыкты деп табылды. Бул тууралуу Чүй облустук театрынан билдиришти.

Анда Казакстандын, Өзбекстандын, Түркиянын, Азербайжандын, Каракалпакстандын жана Татарстандын мыкты театрларынын сынактык спектаклдери орун алганы белгиленди.

Кыргызстандын атынан республикалык “Учур” театрынын сахнасында Шамил Дыйканбаев койгон “Бетме-бет” спектакли коюлган.

Сынактын жыйынтыгында кыргызстандык режиссер мыкты деп табылды.

 Шамил Дыйканбаев Чүй облустук театрын былтыртан бери жетектеп келет.