15:18, 12 ноября 2024, Бишкек - 24.kg
Жеке маалыматтарды коргоо боюнча мамлекеттик агенттиктин жетекчиси Адыл Сыдыгалиев социалдык түйүндөрдө адамдар жеке маалыматтарды канчалык көп жайгаштырса, шылуундардын аларды алдоо мүмкүнчүлүгү ошончолук көбөйөт деп эсептейт. Бул тууралуу ал Биринчи радиодо билдирди.
Анын айтымында, бүгүнкү күндө бардыгы социалдык тармактарда активдүү катышууда жана бул көйгөй жаратат. Анткени шылуундар колдонуучулардын жеке маалыматтарын издөөдө аккаунттарды, мессенджерлерди жана платформаларды активдүү көзөмөлдөп жатышат.
«Эгерде адам активдүү болбосо, социалдык тармактарга кирбесе, интернетке фото жана видеолорду, анын ичинде жайгашкан жери же геотеги менен жайгаштырбаса, анда, албетте, интернетте ал тууралуу минималдуу жеке маалыматтар бар. Алдамчы эмне кылат? Бул сиздин маалыматыңызды, анын ичинде үнүңүздү алат — сиз жана досторуңуз тууралуу видеону жайгаштырдыңыз, сиз кандай сүйлөп жатасыз, биз ошол жердебиз дегендей баардыгын алат...Бул сиз жөнүндөгү, сиздин байланыштарыңыз, туугандарыңыз жана досторуңуз тууралуу маалыматтар — алдоого аракет кылуу үчүн жетиштүү болуп саналат», — деп түшүндүрдү ал.
Адыл Сыдыгалиев ошондой эле коомдук ишмерлер же алардын жетекчилери социалдык тармактарга толук маалыматты, анын ичинде шылуундар үчүн да коомчулукка жарыялоону мисалга тартты.
Буга чейин чиновник кыргызстандыктарды эч качан жеке маалыматтарын, банк картасынын номерин бербөөгө жана социалдык тармактарга документтердин сүрөттөрүн жарыялоого чакырган.