11:57, 12 ноября 2024, Бишкек - 24.kg
Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Улугбек Ормонов Ош шаарындагы жаңы аэропорттун курулушун качан баштай тургандыктарын сурады.
«ММКда курулуш башталат деген маалымат тарады. Президент аэропорттун курулушу пландалып жаткан жерге барды. Бирок курулуш иштери баштала элек», — деди депутат.
Жарандык авиация мамлекеттик агенттигинин директорунун орун басары Канат Төлөгөнов жакынкы аралыкта курулуш пландала электигине жооп берди.
«Кантип? Жыйындардын биринде эмне үчүн Ош аэропортун жакшыртуу боюнча иштер жүргүзүлбөй жатканын сураганыбызда, аэропортту өткөрүп берүүнү пландап жатышканын айтышты. Жадакалса жер бөлүп беришкен. Бирок азыр алар курууга болгон көз караштарын өзгөртүштү», — дейт Улугбек Ормонов.
Ал белгилегендей, Ош аэропорту Бишкектеги «Манас» аэропортуна караганда көбүрөөк киреше алып келет, бирок аны өнүктүрүүгө эч кандай каражат жумшалбайт.