10:46, 06 ноября 2024, Бишкек - 24.kg
Кыргызстандын президенти Садыр Жапаров түрк лидери Режеп Тайып Эрдоганга аргымак белек кылды.
Эске сала кетсек, 5-ноябрда Эрдоган Кыргызстанга болгон мамлекеттик сапарынын алкагында Садыр Жапаровго Түркияда жасалган TOGG электромобилдерин белек кылган. Унаанын рулуна Садыр Жапаров отурган, аны Режеп Тайып Эрдоган коштоп жүргөн.
Түрк лидери Бишкекке 4-ноябрда келип, аны “Манас” аэропортунан Садыр Жапаров тосуп алды. Сапардын алкагында Режеп Тайып Эрдоган жана Кыргызстандын министрлер кабинетинин башчысы Акылбек Жапаров “Ата-Бейит” тарыхый-мемориалдык комплексине барышты.
Түркиянын башчысы Кыргызстандын тышкы карызын кечкени да белгилүү болуп, аны Садыр Жапаровдун маалымат кызматы тастыктады.