17:52, 04 ноября 2024, Бишкек - 24.kg
Билим берүү жана илим министрлиги мамлекеттик жана муниципалдык мектепке чейинки билим берүү уюмдарынын жетекчилеринин бош кызмат орундарын ээлөөгө сынак жарыялайт. Бул тууралуу ведомствонун сайтында айтылат.
Жалпысынан 747 бош орун бар. Сынак «Билим берүү жөнүндө» мыйзамдын жана министрлер кабинетинин 2024-жылдын 28-майындагы No273 токтомунун негизинде өткөрүлөт.
Сынактын биринчи этабына катышуу үчүн талапкерлердин арыздарын жана документтерин каттоо 4-ноябрда башталып, 18-ноябрда аяктайт.
Арыздар билим берүү уюму таандык болгон аймакка жараша электрондук почта аркылуу кабыл алынат:
doo.talas@ncokoit.kg;
doo.naryn@ncokoit.kg;
doo.g.osh@ncokoit.kg;
doo.chui@ncokoit.kg;
doo.ja@ncokoit.kg;
doo.batken@ncokoit.kg;
doo.osh@ncokoit.kg;
doo.ik@ncokoit.kg;
doo.bishkek@ncokoit.kg.
Экзамендин экинчи этабын (квалификациялык тестирлөөнү) өткөрүү күнү, орду жана тартиби жөнүндө билдирүү, ошондой эле талапкерлердин документтерин текшерүүнүн натыйжалары Билим берүүнүн сапатын өнүктүрүү департаментинин сайтында жарыяланат: https://ncokoit .kg/.
Кошумча маалыматты бөлүмдөн 0707490001, 0503610150, 0550610150 телефондору аркылуу алса болот.