14:24, 04 ноября 2024, Бишкек - 24.kg
Сот Нурлан Мотуевди үй камагына чыгарганын Бишкек шаардык сотунун басма сөз кызматы билдирди.
Эскерте кетсек, ал социалдык түйүндөрдө элге карызын төлөөгө жардам берген видеосун жарыялаганы үчүн кармалган. Ал расалык, этникалык, улуттук, диний аймактар аралык кастыкты (жек көрүүчүлүктү) козуткан деп шектелүүдө.
ИИМ белгилегендей, 2024-жылдын 16-октябрында социалдык тармактарга мониторинг жүргүзүү учурунда Нурлан Мотуев Instagram баракчасында улуттук азчылыктын өкүлдөрүнө карата терс пикирин билдиргени аныкталган. Ошентип, интернетти пайдалануу менен улуттар аралык кастыкты козутуу, кемсинтүү, ошондой эле улуттар аралык чыр-чатактын негизинде жарандардын өзгөчөлүгүн, артыкчылыгын же кемчилигин пропагандалоо белгиленген.
1-ноябрда Свердлов райондук соту Мотуевдин баш коргоо чарасын 2024-жылдын 29-декабрына чейин үй камагына алуу чечимин кабыл алган.