17:34, 01 ноября 2024, Бишкек - 24.kg
Эртең, 2-ноябрда борбор калаанын борбордук аянтында маданият кызматкерлеринин күнүнө карата майрамдык иш-чара өтөт. Бул тууралуу 24.kg басылмасына Маданият, маалымат, спорт жана жаштар саясаты министрлигинин басма сөз кызматы билдирди.
Ала-Тоо аянтындагы майрамдык концерт саат 18.00дө башталат. Анда кыргыз эстрадасынын белгилүү жылдыздары концерт беришет.
«Бул майрам өз өмүрүн өлкөбүздүн маданий мурастарын өнүктүрүүгө жана сактоого арнаган ар бир адамга болгон сый-урмат. Бул маанилүү күндү чогуу белгилөө үчүн бүт үй-бүлөңүз менен келиңиз жана Кыргызстандын маданият ишмерлерине колдоо көрсөтүңүз», — деп белгиледи Маданият министрлиги.
Бишкек шаардык Милициянын кайгуул кызматынын басма сөз кызматы 24.kg басылмасына билдиргендей, майрамдын урматына Чүй проспектисинин Эркиндик бульварынан Панфилов көчөсүнө чейинки бөлүгү саат 17.00дөн баштап жабылат.
ИИББ жол кайгуул кызматы жарандарынан жана конокторунан саякат маршруттарын алдын ала пландаштырууну суранат.